呢日係唯一一日齊人嘅日子......
由於有兩個人瞓到好晏...去到台中市第二市場已經係中午時份。
呢度都幾多嘢食,不過大部份都冇冷氣,其實都幾熱
最後選擇食呢間,我哋認為點套餐會有驚喜D,所以決定每人點個500台幣套餐(有個走咗去食肉燥飯)
雖然間嘢叫「立食」,但係其實係有位坐嘅。
湯任飲,但係唔算肚餓只飲一碗就夠。圖片右下角嘅壽司係三人份,即係每人一件。
食完早(午)飯,就周圍行吓,見到一間裝修幾特別嘅舖頭,就入去睇吓~
CD造型嘅禮品,非常吸引!而我老婆好鍾意食鳳梨酥,所以都幫佢留意吓。呢間賣兩款鳳梨酥 ﹣ 土鳳梨同埋17號鳳梨,土鳳梨較酸,17號係佢哋出產菠蘿嘅其中一個號碼,相同地甜D。不過離酒店唔算好遠,所以呢日唔買住。
呢度鋼門都係好多人都會同佢影相~
每日都經過嘅...柳川
朋友話呢個Outlet冇嘢買,但係唔知我哋又會去喎~
一入到去,我就俾呢對adidas original波鞋吸住咗呢對應該係2018年農曆新年嘅特別版,有幾特別?
就係呢個繡花字,我好想買都係因為呢個字,不過...台幣27xx對我嚟講有D貴。可能好多都覺得一對特別版adidas波鞋一D都唔貴,但係我平時買開都只係港幣3-400嘅普通波鞋,叫我用雙倍價錢去買真係接受唔到
之後上網睇過,好似平少少喎~
adidas Superstar 80s CNY shoes
以為安全逃離adidas嘅魔爪,點知去到呢間舖我就失守
個人非常鍾意日式T恤,而呢一間...正正就係我最鍾意嘅類型!好彩當日做緊六折,感覺冇咁傷(其實因為六折先買)
D錢駛得七七八八就要走啦~嚟台中當然要去逢甲夜市啦!
嚟台中前其中一個目的係嚟買Native,唔知點解香港冇晒呢個牌子。但係由於早排香港經常落大雨,我等唔切,喺香港買咗對Crocs啦~
冇嘢買就梗係食嘢啦!個火焰骰子牛好味~我哋試咗玫瑰礦鹽味。另外,呢間臭豆腐切到細細粒再炸,非常脆口,唔明點解多咗幾檔賣巨無霸臭豆腐,一大舊炸完再切開咪冇咁香脆囉?
知道老虎堂係黑糖波霸嘅始姐,之不過香港已經開咗分店,而我都試咗兩次,過到嚟就隨便搵一間試。
左右兩間都有,最後決定揀蔡大明。老實講...味道唔係太大分別。
繼續行街,見到呢段字,忍唔住要影低佢
途中見到呢張海報,大家都覺得有興趣,決定第二日去睇吓~
朋友唔知邊度睇到介紹成龍雞扒,咁見到咪試吓囉!完!全!唔!好!食!!!
呢檔香腸好食過佢幾倍!(不過我最初以為$8一串)
當然唔少得,試吓台灣嘅氣泡水啦~
經過老虎堂,又唔算好多人喎~不過我冇時間排隊...
我呢...其實都好鍾意食呢D“咸濕”嘢,咁就買少少啦~
唔經唔覺,行到去呢間VR店,好平喎!不如玩吓啦
我哋揀咗難度最低嗰個,都幾好玩。不過我負責拎散彈槍,玩咗大約15分鐘,玩完隻手真係攰到阿媽都唔認得!
呢晚唔食正餐,買咗D嘢返酒店,一路睇波一路食。滷味ok,芭樂略嫌淡咗少少,油雞都好味(但太多筍)
每年我哋四兄弟都有個指定動作,就係玩bridge。每年只玩到一次,今次分數好近,我最後都追唔到
第二日 完
留言列表